Երեւան: Մեդիամաքս: «Կայուն դպրոցական սնունդ» ազգային ծրագրի իրականացման համար կստեղծվի համանուն հիմնադրամ:

ՀՀ կրթության եւ գիտության նախարար Լեւոն Մկրտչյանն այսօր կառավարության նիստում է ասել է, որ հիմնադրամի ստեղծումը կբարձրացնի ծրագրի իրականացման արդյունավետությունը:

Ներկայում ՀՀ 10 մարզերի նախակրթարանների եւ կրտսեր դասարանների շուրջ 83 հազար երեխա շաբաթը հինգ օր ստանում են դպրոցական տաք սնունդ, իսկ 7 մարզում, ՄԱԿ-ի Պարենի համաշխարհային ծառայության միջոցով, մոտ 60 հազար երեխայի համար դպրոցներին հատկացվում է 7 տեսակի սնունդ (բրինձ, մակարոն, հնդկաձավար, ձեթ, ալյուր  եւ այլն):

ՀՀ կառավարությունն, իր հերթին, 2014թ.-ից  ֆինանսավորում է երեք մարզերի (Արարատ, Վայոց Ձոր, Սյունիք) դպրոցների մոտ 23 հազար աշակերտի՝ տրամադրելով մեկ երեխայի հաշվարկով օրական 140 ՀՀ դրամ, որից 120 դրամն օգտագործվում է սնունդ պատրաստելու, իսկ 20 դրամը՝ խոհանոցային աշխատակիցների աշխատավարձի եւ կազմակերպական ծախսերի համար (Դպրոցական սննդի ազգային ծրագիր):