Երեւան: Մեդիամաքս: Մեդիամաքս մեդիա ընկերության ԶԼՄ-ների մոնիտորինգի, վերլուծության եւ գնահատման MaxMonitor համակարգը ներկայացնում է հայկական օնլայն մեդիայում նախարարների լուսաբանման ծավալը՝ 2018թ. հուլիս ամսվա արդյունքներով:
130 լրատվական կայքերի հուլիս ամսվա դիտարկման արդյունքներով ամենից շատ հիշատակված նախարարների եռյակն է՝
1. ՀՀ պաշտպանության նախարար Դավիթ Տոնոյան՝ 1964 հիշատակում:
2. ՀՀ կրթության եւ գիտության նախարար Արայիկ Հարությունյան՝ 1724 հիշատակում:
3. ՀՀ փոխվարչապետ Արարատ Միրզոյան՝ 1507 հիշատակում:
Ամենաքիչ հիշատակված նախարարների եռյակն է.
1. ՀՀ գյուղատնտեսության նախարար Արթուր Խաչատրյան՝ 184 հիշատակում:
2. ՀՀ ֆինանսների նախարար Ատոմ Ջանջուղազյան՝ 167 հիշատակում:
3. ՀՀ սպորտի և երիտասարդության հարցերի նախարար Լեւոն Վահրադյան՝ 84 հիշատակում:
Ներկայացված տվյալները վերաբերում են բացառապես հիշատակումների քանակին:
MaxMonitor-ի մասնագետների կողմից առանձին վերլուծության են ենթարկվում 13 լրատվական կայքերի (168.am, 1in.am, A1plus.am, Aravot.am, Armenpress.am, Armlur.am, Blognews.am, Hraparak.am, Lragir.am, Mediamax.am, News.am, Panorama.am, Tert.am) հրապարակումները, ինչի շնորհիվ ստացվում է դրական, չեզոք եւ բացասական երանգ ունեցող հրապարակումների պատկերը: Այն հասանելի է ստորեւ ներկայացվող աղյուսակում եւ վերաբերում է ս.թ. հուլիսին:
Նախարար | Դրական | Չեզոք | Բացասական |
Դավիթ Տոնոյան | 315 | 174 | 11 |
Արարատ Միրզոյան | 98 | 271 | 6 |
Արայիկ Հարությունյան | 193 | 126 | 9 |
Զոհրաբ Մնացականյան | 227 | 73 | 3 |
Արսեն Թորոսյան | 102 | 78 | 41 |
Արթուր Վանեցյան | 96 | 92 | 0 |
Արտակ Զեյնալյան | 109 | 69 | 4 |
Տիգրան Ավինյան | 93 | 80 | 3 |
Սուրեն Պապիկյան | 119 | 35 | 3 |
Վալերի Օսիպյան | 59 | 67 | 19 |
Աշոտ Հակոբյան | 93 | 38 | 0 |
Լիլիթ Մակունց | 83 | 41 | 3 |
Արծվիկ Մինասյան | 90 | 24 | 1 |
Հրաչյա Ռոստոմյան | 59 | 35 | 20 |
Մխիթար Հայրապետյան | 85 | 8 | 7 |
Մհեր Գրիգորյան | 42 | 45 | 0 |
Մանե Թանդիլյան | 49 | 29 | 0 |
Էրիկ Գրիգորյան | 52 | 13 | 1 |
Արթուր Գրիգորյան | 37 | 14 | 0 |
Ատոմ Ջանջուղազյան | 22 | 19 | 0 |
Արթուր Խաչատրյան | 35 | 5 | 0 |
Լևոն Վահրադյան | 13 | 3 | 0 |
Հարկ է նշել, որ ամենաշատ բացասական հրապարակումները բաժին են հասել առողջապահության նախարար Արսեն Թորոսյանին, որը որոշում է կայացրել աշխատանքից ազատել «Սուրբ Գրիգոր Լուսավորիչ» ԲԿ տնօրեն Արա Մինասյանին: Որոշ ԶԼՄ-ներ հրապարակել են Արսեն Թորոսյանի ընդդիմախոսների մեկնաբանությունները, որտեղ նշվում է, որ նախարարն «իրեն երեւակայում է որպես բոլշեւիկյան նարկոմ Կամինսկի» կամ «անձնական, մինի խաչակրաց արշավանքի» կազմակերպիչ:
Մեդիամաքս մեդիա-ընկերությունն իր MaxMonitor համակարգով Հայաստանի մեդիայի մոնիտորինգի, վերլուծության եւ գնահատման շուկայի բացարձակ առաջատարն է: Համակարգի բաժանորդներն են մի քանի տասնյակ մասնավոր ընկերություններ եւ պետական մարմիններ՝ բանկեր, հեռահաղորդակցության օպերատորներ, նախարարություններ եւ գերատեսչություններ, միջազգային կազմակերպություններ եւ դեսպանություններ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: