Երեւան: Մեդիամաքս: Այսօր Երեւանում ներկայացվել է Ֆրանկոֆոնիայի գագաթաժողովի շրջանակում նախատեսված միջոցառումների ժամանակացույցը:
Հոկտեմբերի 7-ին տեղի կունենա Ֆրանկոֆոնիայի մշտական խորհրդի 105-րդ նիստը՝ կազմակերպության անդամ պետությունների ղեկավարների մշտական ներկայացուցիչների մասնակցությամբ:
Հոկտեմբերի 8-9-ին տեղի կունենա Ֆրանկոֆոնիայի նախարարական 35-րդ նիստը, որն անդամ երկրների ԱԳ նախարարներից բաղկացած ատյան է:
Հոկտեմբերի 9-ին՝ ժամը 17:00-ին, Ազատության հրապարակում կլինի Ֆրանկոֆոնիայի ավանի բացման արարողությունը, որին կմասնակցեն ՀՀ ԱԳ նախարար Զոհրաբ Մնացականյանը, Ֆրանկոֆոնիայի միջազգային կազմակերպության գլխավոր քարտուղարը:
Ֆրանկոֆոնիայի ավանում ամենօրյա ռեժիմով կգործի ավելի քան 40 տաղավար։ Կկազմակերպվեն համերգներ, ցուցահանդեսներ։
Հոկտեմբերի 10-ին «Թումո» կենտրոնում կանցկացվի Ֆրանկոֆոնիայի տնտեսական ֆորումը՝ ՀՀ նախագահ Արմեն Սարգսյանի բարձր հովանու ներքո:
Ֆորումի շրջանակում կհիմնվի ՏՏ նախարարերի ցանց։ Հյուրերի թվում են արհեստական բանականությամբ օժտված ռոբոտ Սոֆյան, ինտերնետի հիմնադիրներից Open-Root կազմակերպության գլխավոր տնօրեն Լուի Պուզանը։
Հոկտեմբերի 11-ին տեղի կունենա ՖՄԿ գագաթաժողովը, որին կմասնակցեն 83 անդամ ասոցացված եւ դիտորդ երկրների կառավարությունների ներկայացուցիչներ։
Նույն օրը՝ ժամը 19։30-ին, Հանրապետության Հրապարակում տեղի կունենա գալա համերգ՝ հայտնի արտիստների մասնակցությամբ:
Համերգը բաղկացած կլինի երեք մասից, որի ավարտական մասը նվիրված կլինի Շառլ Ազնավուրին։
Գագաթաժողովի աշխատանքները կամփոփվեն հոկտեմբերի 12-ին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: