Երեւան: Մեդիամաքս: Շուշիի արվեստի կենտրոնում բացվել է «Այբ» ավագ դպրոցի աշակերտների «21-20 = 1 դարի արվեստ» խորագրով ցուցահանդեսը։

20-ից 21-րդ դարերի արվեստի ուղղություններով ոգեշնչված՝ այբեցիները ստեղծել են գունանկարային աշխատանքներ կուբիզմի, սուպրեմատիզմի, սիմվոլիզմի, սյուրռեալիզմի եւ փոփ արտի ոճերով։

Հոկտեմբերի 10-12-ը հյուրընկալվելով Արցախում՝ «Այբ» դպրոցի աշակերտները եղել են նաեւ Շուշիի մանկապատանեկան արվեստի կենտրոնում, որտեղ իրենց փորձը ներկայացրել են կենտրոնի աշակերտներին։

Ցուցահանդեսը բաց կլինի մինչեւ նոյեմբերի 1-ը։