Երեւան: Մեդիամաքս: «Սոցիոմետր» սոցիոլոգիական կենտրոնի տնօրեն Ահարոն Ադիբեկյանն այսօր իշխանություններին կոչ է արել լուրջ ուշադրություն դարձնել ազգագրական քաղաքականությանը եւ խթանել ծնելիության աճը:
Ահարոն Ադիբեկյանը նշել է, որ Հայաստանի բնակաչության թվաքանակը ներկայումս կազմում է 2,5-2,7 մլն:
«Մենք գտնվումն ենք նվազող ազգերի ցուցակում եւ, ՄԱԿ-ի տվյալների համաձայն, 2100 թ-ին Հայաստանը կունենա 1,5 մլն, լավագույն դեպքում` 1 մլն 750 հազ. բնակիչ, որոնք պարտադիր չէ, որ հայ լինեն»,- նշել է Ադիբեկյանը:
Ժողովրդագիր Ռուբեն Եգանյանը, սակայն, կարծում է, որ «մինչեւ չլուծվեն քաղաքական, տնտեսական, բարոյահոգեբանական ու սոցիալական խնդիրները, ազգաբնակչության աճի հետ կապված որեւէ խնդրի լուծումն անհնար է»:
Ռուբեն Եգանյանի փոխանցմամբ, «ծնելիության գումարային գործակիցը մեզանում տատանվում է 1,4-1,5-ի սահմաններում, եւ սերունդը վերարտադրվում է մոտ 70%-ով: Վերջին տարիներին ծնելության թիվը կրկին նվազել է, քանի որ վերարտադրողական տարիք է մտել 90-ականների սերունդը, որը համեմատաբար սակավաթիվ է»:
Անդրադառնալով ամուսնության տարիքին` Ահարոն Ադիբեկյանը նշել է, որ հարսնացուները «ծերացել» են 4-5 տարով, փեսացուները` 6, իսկ Ռուբեն Եգանյանը հավելել, որ դա համաշխարհային միտում է, ինչն իր ազդեցությունն է ունեցել նաեւ ծնելության թվի վրա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: