Երեւան: Մեդիամաքս: Սենատորներ Ռոբերտ Մենենդեսը եւ Մարկ Քըրքն այսօր Հայոց ցեղասպանության ճանաչման վերաբերյալ նոր բանաձեւ են ներկայացրել:
Այդ մասին հայտնում է Ամերիկայի Հայկական Համագումարը:
«Ի հիշատակ 2014թ. ապրիլի 24-ի Հայոց ցեղասպանության տարելիցի` ԱՄՆ նախագահը պետք է աշխատի անաչառ, կառուցողական, կայուն եւ ամուր հայ-թուրքական հարաբերություններ կառուցելու ուղղությամբ, որը կներառի Թուրքիայի կառավարության` Հայոց ցեղասպանության վերաբերյալ փաստերի ամբողջական ընդունումը: Ինչպես նաեւ, ԱՄՆ նախագահը պետք է երաշխավորի, որ Միացյալ Նահանգների արտաքին քաղաքականությունը պատշաճ ըմբռնում եւ զգայունություն կցուցաբերի մարդու իրավունքների, մարդկության դեմ հանցագործությունների, էթնիկ զտումների եւ ցեղասպանության վերաբերյալ խնդիրների նկատմամբ, որոնք փաստագրված են Հայոց ցեղասպանության մասին Միացյալ Նահանգների արձանագրություններում»,- ասվում է բանաձեւում:
Համագումարի գործադիր տնօրեն Բրայան Արդունին ասել է, որ «Հայոց ցեղասպանության 100-ամյա տարելիցի նախաշեմին մենք ողջունում ենք սենատորների այդ նախաձեռնությունը, որը վերապրածների փրկությանն ուղղված Ամերիկայի մարդասիրական միջամտության հիշեցումն է»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: