Մեդիամաքսը փորձել է պարզել, թե ՀՀ Զինված ուժերի կազմավորման 25 տարվա ընթացքում ի՞նչ փոփոխությունների է ենթարկվել զինվորական համազգեստը եւ որո՞նք էին փոփոխությունների հիմնական պատճառները:

1992-2000 թթ. խորհրդային բանակից մնացած ժառանգությունը

1992-2000թթ. ամառային դաշտային համազգեստը

Լուսանկարը` Մեդիամաքս

1992-ինˋ ՀՀ Զինված ուժերի կազմավորումից մինչ 2000 թվականը հայկական բանակում կրում էին խորհրդային բանակից ժառանգածˋ միագույն դաշտային համազգեստը:

2000-2010թթ. անկախ Հայաստանի զինվորական համազգեստը

Անկախ Հայաստանի զինվորական առաջին համազգեստը, որն իր վառ գունավորմամբˋ «jungle» կամ «woodlend» տեսակի միանգամայն տարբեր էր խորհրդային ժառանգությունից, կիրառության մեջ մտավ 2000 թվականին եւ ծառայեց մինչ 2010 թվականը:

2000-2010թթ. ամառային դաշտային համազգեստը

Լուսանկարը` Մեդիամաքս

Այս համազգեստն իր տեսքով ու արտաքին գունավորմամբ ավելի շատ համապատասխանում է անտառային գերակշիռ ծածկ ունեցող երկրներին: 

2010-ից մինչ օրս. արդիականացված ու լավ քողարկված համազգեստը

2010-ից Զինված ուժերում կիրառության մտավ նոր համազգեստը, որը մինչ օրս կիրառության մեջ է: Այն իր «digital» գունավորմամբ համապատասխանեցվել  հայկական լեռնաշխարհի հողային ու լեռնային ծածկին:

2010-ից մինչ օրս կիրառության մեջ գտնվող ամառային եւ ձմեռային դաշտային համազգեստները

Լուսանկարը` Մեդիամաքս

Բանակի կազմավորման 25 տարվա ընթացքում փոփոխության են ենթարկվել նաեւ սպայական ամենօրյա համազգեստըˋ թե կանացի, թե տղամարդկանց, ռազմական ոստիկանության ու պատվո-պահակային վաշտի համազգեստները:

Կանացի ամենօրյա սպայական համազգեստˋ նախատեսված շարքից դուրս եւ շարք կանգնելու համար

Լուսանկարը` Մեդիամաքս

Ի դեպ, համազգեստի նմուշներին եւ ՀՀ ԶՈՒ գերատեսչական մեդալներին կարող են ծանոթանալ բոլոր ցանկացողներըˋ այցելելով Արցախի փողոցում տեղակայված զորամասի տարածքում գործող Իրային ծառայության պատմության թանգարան:

Սիրանուշ Եղիազարյան

Լուսանկարներըˋ Էմին Արիստակեսյանի