2185 դիտում

100 ամենաազդեցիկ լուսանկարները՝ «Անհայտ ապստամբը»


Լուսանկարը` Ջեֆ Ուայդներ


Ամերիկյան Time ամսագիրը ընտրել է «Բոլոր ժամանակների ամենաազդեցիկ 100 լուսանկարները»: Մեդիամաքսը պարբերաբար իր ընթերցողներին կներկայացնի Time-ի պատմությունները այդ լուսանկարների ստեղծման մասին:

Ջեֆ Ուայդներ

Պեկին, 1989 թվական

1989թ. հունիսի 5-ի առավոտյան լուսանկարիչ Ջեֆ Ուայդները կանգնած էր «Բեյջինգ» հյուրանոցի վեցերորդ հարկի պատշգամբում:

Նախորդ օրը Պեկինի կենտրոնական Տյանանմեն հրապարակում տեղի էին ունեցել բախումներ ցուցարարների եւ բանակի միջեւ, որից հետո Assosiated Press-ը Ուայդներին գործուղեց Չինաստանի մայրաքաղաք:

Ջեֆ Ուայդները լուսանկարում էր հրապարակը, երբ տանկերի շարասյունը սկսեց շարժվել: Ուայդները հասցրեց լուսանկարել այն պահը, երբ անհայտ տղամարդը՝ խանութի տոպրակը ձեռքին կանգնեց տանկերի առջեւ, բարձրացրեց ձեռքերը եւ հրաժարվեց տեղից շարժվել:

Տանկերը փորձում էին շրջանցել տղամարդուն, սակայն նա կրկին ու կրկին խանգարում էր նրանց ընթացքը: Ի վերջո, նրան ձերբակալեցին, սակայն Ուայդներին հաջողվեց անմահացնել անսովոր դիմադրության գործողությունը:

Այլ լուսանկարիչները եւս ֆիքսել էին այդ պահը, սակայն Ուայդներն առաջինը ուղարկեց իր լուսանկարը AP-ի հաղորդալարի միջոցով, ինչի շնորհիվ ապստամբի լուսանկարը հայտնվեց համաշխարհային թերթերի առաջին էջերում:

Տասնամյակներ շարունակ լուսանկարում պատկերված հերոսի անձն անհայտ է մնում է: Սակայն այդ անհայտության շնորհիվ նկարն ավելի ազդեցիկ է` խորհրդանշելով անհատի ուժը:

Time ամսագիր

Պատրաստեց Աննա Բուբուշյանը

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am