Երեւան: Մեդիամաքս: Երեւանի քաղաքապետարանի կողմից իրականացվող ծրագրի շրջանակում մայրաքաղաքի հասարակական տրանսպորտի կանգառներում տեղադրված ժամատախտակներից 20-ը գործարկված են:
Դեռեւս 2013 թվականին նախատեսվել էր Երեւանի առավել մարդաշատ 50 կանգառներում տեղադրել էլեկտրոնային չվացուցակների համակարգը:
Ինչպես Մեդիամաքս-ին տեղեկացրել են «Երեւան քաղաքի կառավարման տեխնոլոգիաների կենտրոն» ՓԲԸ-ից, այս պահի դրությամբ բոլոր 50 կանգառներում ժամատախտակները տեղադրված են, որոնցից 20-ը գործարկված են, իսկ մյուսների գործարկումը ընթացքի մեջ է եւ գտնվում է ավարտական փուլում:
250 ավտոբուսներում տեղադրվել են GPS համակարգեր, որոնցից ստացվող առժամանակյա տվյալները արտացոլվում են ժամատախտակների վրա:
«Երեւան քաղաքի կառավարման տեխնոլոգիաների կենտրոն»-ից տեղեկացրել են, որ շարունակվում են բանակցություններ ներդրողների հետ` ծրագրի ընդլայնման կապակցությամբ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: