Երեւան: Մեդիամաքս: Երեւանի Օղակաձեւ զբոսայգում այսօր բացվել է 2014թ. օգոստոսին Իրաքի Շանգալ նահանգում «Իսլամական պետության» կողմից եզդիների ցեղասպանության հիշատակի ոգեկոչման հուշարձան:
Ինչպես հաղորդում են Երեւանի քաղաքապետարանի մամուլի ծառայությունից, հուշարձանը բացվել է «Միդիա-Շանգալ» եզդիների ազգային միավորում ՀԿ խորհրդի նախաձեռնությամբ, բարերարներ Ռաշիդ եւ Ագիտ Շամոյանների ընտանիքի միջոցներով, ինչպես նաեւ ՀՀ ղեկավարության եւ Երեւանի քաղաքապետարանի անմիջական աջակցությամբ:
Երեւանի փոխքաղաքապետ Դավիթ Օհանյանը վստահեցրել է, որ քաղաքապետարանն այսուհետ եւս իր լիազորությունների շրջանակում հնարավորին աջակցելու է մայրաքաղաքի եզդիական համայնքին:
Բացված հուշարձանի գաղափարի հիմքում երեխային փրկող մայրն է: Երեխան մարմնավորում է եզդի ժողովրդի վաղվա օրը: Քանդակը կառուցվել է Հայոց ցեղասպանության 100-րդ տարելիցի միջոցառումների շրջանակում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: