Երեւան: Մեդիամաքս: Երեւանի քաղաքապետարանը տեղեկացնում է, որ «Էրեբունի-Երեւան 2798» տոնակատարության միջոցառումների կազմակերպման եւ անցկացման նպատակով մայրաքաղաքի որոշ հատվածներում հոկտեմբերի 8-ին ժամանակավորապես կսահմանափակվի տրանսպորտային երթեւեկությունը:

Մասնավորապես, ժամը 07:00 – 23:00-ը փակ կլինի Էրեբունի փողոցի՝ Ազատամարտիկների փողոցից Էրեբունի հրապարակը ներառող հատվածը:

Ժամը 11:00 – 14:00-ը կդադարեցվի երթեւեկությունը Արգիշտիի փողոցում:

Ժամը 13:00 – 23:00-ը փակ կլինի Աբովյան փողոցի՝ Թումանյան փողոցից Հանրապետության հրապարակն ընկած ճանապարհահատվածը:

Հասարակական տրանսպորտի աշխատանքը նշված ժամանակահատվածներում կկազմակերպվի շրջանցիկ ճանապարհներով։