Երեւան: Մեդիամաքս: Երեւանի քաղաքապետարանի ենթակայության գրադարանները հարստացել են 400 անուն 16 հազ. կտոր նոր գրականությամբ:
Քաղաքապետարանում տեղեկացրել են, որ գրքային ֆոնդը համալրվել է ինչպես հայ դասականների, այնպես էլ ռուսական, արեւմտաեվրոպական հեղինակների գեղարվեստական եւ մասնագիտական, նաեւ մանկական մեծաքանակ գրականությամբ:
Երաժշտական կրթօջախների համար էլ ձեռք է բերվել նոտագրված մասնագիտական գրականություն:
«Մինչ օրս համայնքային գրադարանները համալրվել են 60 հազ. կտոր գրականությամբ: Այս տարվա ծրագիրն իր ծավալով աննախադեպ է: Նախատեսել ենք նաեւ գրադարանների թվային՝ տեսա եւ ձայնախտասկավառակների տեսքով համալրում, ինչը կնպաստի թվայնացման գործընթացին»,- ասել է քաղաքապետի տեղակալ Արամ Սուքիասյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: