Երեւանում վերջերս լայն տարածում են գտել այսպես կոչված գրաֆիթի-պատկերները:
Գրաֆիթիի մասին կա 2 իրարամերժ կարծիք` ոմանք դա համարում են արվեստ, ոմանք էլ` վանդալիզմ: Մեդիամաքս-ը առիթ ունեցել է անդրադառնալու թեմային, ներկայացնելով գրաֆիթիներ, որոնք իսկապես նոր շունչ հաղորդեցին քաղաքի միջավայրին:
Սակայն, այն ինչ տեսնում ենք Օպերայի եւ բալերի Ազգային ակադեմիական թատրոնի պատերի վրա, որեւէ կապ չունի ոչ արվեստի, ոչ էլ գեղեցկության հետ` սովորական վանդալիզմ է:
Լուսանկարը` Մեդիամաքս:
Օպերայի շենքի վրա նման «գրառումների» քանակը ոչ միայն չի նվազում, այլ ընդհակառակը` ավելանում է: Զարմանալի է, որ դրա դեմ համարժեք պայքար չեն մղում Երեւանի քաղաքապետարանը եւ ոստիկանությունը: Որքան գիտենք, Օպերայի հրապարակը եւ մերձակայքը շուրջօրյա հսկվում է տեսախցիկներով, ինչը նշանակում է, որ «նկարիչներին» կարելի է հայտնաբերել ու պատասխանատվության ենթարկել:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: