Երեւան: Մեդիամաքս: Երեւանի գլխավոր ճարտարապետ Նարեկ Սարգսյանի կարծիքով, Փակ շուկայի շինարարական աշխատանքներում ոչ մի խնդիր չկա:
Մեդիամաքս-ի հետ զրույցում անդրադառնալով ճարտարապետների այն մտահոգություններին, որ Փակ շուկայի տանիքը կաթում է, եւ շինության հետեւի պատերին ճաքեր են առաջացել, գլխավոր ճարտարապետն այսօր ասել է, որ շենքն առանց այդ էլ վթարային վիճակում էր, եւ ինքը տեղյակ է, որ այնտեղ այժմ աշխատանքներ են տարվում հետեւի պատերի ամրացման ուղղությամբ:
“Մշակույթի նախարարությունն իրենց տվել է համապատասխան առաջադրանք` պահպանելու չափի, դիրքի, տարածքի համապատասխան չափանիշները, եւ հենց այս պահին իրենք զբաղված են պատերի ամրացմամբ: Տանիքը պետք է վերակառուցեն նույնությամբ, ինչպես եղել է նախկինում: Շինարարությունն այժմ ընթացքի մեջ է, եւ ոչ մի խնդիր չկա”,-ասել է Նարեկ Սարգսյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: