Երեւան: Մեդիամաքս: «Լրագրողներ առանց սահմանների» կազմակերպության հրապարակած «Մամուլի ազատության ցուցիչում» Հայաստանը 180 երկրների շարքում զբաղեցնում է 61-րդ տեղը։

Նախորդ տարվա համեմատ Հայաստանն իր դիրքը բարելավել է 19 կետով։

Հարեւան Ադրբեջանի դիրքը նվազել է 3, Վրաստանը առաջընթաց է ապրել 1 կետով։ Ադրբեջանը՝ 166 տեղում է՝ նախորդ տարվա 163-ի փոխարեն, Վրաստանը 60-րդ, նախորդ տարվա՝ 61-ի փոխարեն։

Մամուլն ամենաազատն է Նորվեգիայում, Ֆինլանդիայում, Շվեդիայում,  Նիդեռլանդներում եւ Դանիայում։

Ցանկի վերջին տեղերում են Վիետնամը, Չինաստանը, Էրիթրեան, Հյուսիային Կորեան եւ Թուրքմենստանը։