Rock Aid Armenia նախագծի շրջանակներում Մեդիամաքս-ն ակտիվ մասնակցություն է ունենում Գյումրիի թիվ 6 երաժշտական դպրոցի շինարարության նախագծին, որը ավերվել էր 1988 թվականի երկրաշարժի ժամանակ:

Դպրոցի վերականգնման մասին որոշումը կայացվեց 2009 թվականի հոկտեմբերին, երբ համաշխարհային ռոքի աստղերն այցելեցին դպրոցը:

Դպրոցի շինարարության նախագիծն իրականացվում է եռակողմ համաձայնագրի հիման վրա, որը ստորագրվել է Մեդիամաքս-ի, Do Something ավստրալիական կազմակերպության եւ Հայ Օգնության ֆոնդի միջեւ:

Դպրոցի շինարարության համար արդեն հավաքվել է $ 110 000:

2011 թթ. նախատեսվում է ներգրավել նոր միջոցներ Deep Purple-ի վոկալիստ Իէն Գիլանի, Black Sabbath-ի կիթառահար Թոնի Այոմիի եւ Asia խմբի ստեղնահար Ջեֆ Դաունսի մասնակցությամբ նախագծերի շնորհիվ:

Ակնկալվում է, որ դպրոցի շինարարությունը կավարտվի 2012 թվականի գարնանը:.