Մեդիամաքսը շարունակում է Հայոց ցեղասպանության 100-րդ տարելիցին նվիրված 100 վայրկյան նախագիծը: Այն հիմնված է Ցեղասպանության ականատեսների վկայությունների վրա` հրատարակված Հայաստանի Ազգային արխիվի կողմից:
Մարկո Մյուլերը կինոպրոդյուսեր է: Տարբեր տարիներին նա զբաղեցրել է Վենետիկի, Հռոմի, Ռոտերդամի եւ Լոկարնոյի միջազգային կինոփառատոնների տնօրենի պաշտոնը: Այժմ նա Պեկինի Միջազգային կինոփառատոնի գլխավոր խորհրդականն է:
«100 վայրկյան» նախագծի համար Մարկո Մյուլերը կարդացել է հատված Ցեղասպանությունը վերապրած Գոհար Սարյանի վկայությունից:
Հայաստանի Ազգային Արխիվ, փաստաթղթերի հավաքածու
Տրապիզոնի կոտորածը վերապրած Գոհար Սարյանի վկայությունը (քաղվածք)
1916
Թիֆլիս
Երբ ոստիկանները եկան տեղահանությունը կազմակերպելու համար` շատ կանայք ու աղջիկներ թույն խմեցին: Խաչիկ Ասլանյանը իրեն պատուհանից նետեց եւ մահացավ: Կարապետ Մնացականյանը դանակով ինքնասպան եղավ: Հայերից մեկի ծագումով բուլղարուհի կինն ածելիով կտրեց իր կոկորդը: Գուրգեն Սարգսյանի հայրը հրդեհեց իր տունը, սակայն մահացավ ոստիկանի ոտքերի հարվածների տակ: Գուրգենը թաքնվում էր մեր տանը ու երբ 15 օր անց կանացի զգեստներով դուրս եկավ` ոստիկանների ձեռքն ընկավ:
Շեյրանցի Սեդրակը մեկ ամիս շարունակ թաքնվում էր տան ձեղնահարկում, սակայն շուտով հայտնաբերվեց եւ շրջապատվեց ոստիկանների կողմից: Մեկ ժամ տեւած կռվից հետո նա սպանվեց` վիրավորելով ոստիկանի:
Պրոդյուսեր՝ Արա Թադեւոսյան
Նկարահանումը՝ Լենա Գեւորգյան, Մարիամ Լորեցյան
Post Production` «Թումո» ընկերություն
Գոհար Սարյանի վկայության աղբյուրը՝ National Archives of Armenia, Armenian Genocide by Ottoman Turkey, 1915, Testimony of survivors, Collection of documents, Yerevan-2013:
Վկայության հայերեն թարգմանությունը՝ Անժելա Կժդրյան
«100 վայրկյան» նախագծի գլխավոր գործընկերը ՎիվաՍել-ՄՏՍ ընկերությունն է:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: