Երեւան: Մեդիամաքս: Էթյեն Մահչուփյանը այլեւս չի զբաղեցնում Թուրքիայի վարչապետ Ահմեդ Դավութօղլուի գլխավոր խորհրդականի պաշտոնը:
Այս մասին հայտնում է թուրքական Today's Zaman պարբերականը:
Էթյեն Մահչուփյանի խոսքով՝ ինքը ավտոմատ կերպով ազատվել է զբաղեցրած այս պաշտոնից՝ տարիքի պատճառով. մարտի 9-ին լրացել էր նրա 65-ամյակը:
«Ես շարունակում եմ իմ աշխատանքը [որպես վարչապետի գլխավոր խորհրդական]: Սակայն այժմ տարբերությունն այն է, որ չեմ վարձատրվում»,- պարզաբանել է նա:
Օրերս Էթյեն Մահչուփյանը հանդես էր եկել Հայոց ցեղասպանությանը վերաբերող հայտարարություններով՝ 1915թ. դեպքերը բնութագրելով որպես «ցեղասպանություն»:
«Եթե Բոսնիայի ու Աֆրիկայի դեպքերը ընդունվում են որպես ցեղասպանություն, ապա անհնար է ցեղասպանություն չանվանել 1915թ. հայերի հետ տեղի ունեցածը», - ասել էր նա:
Էթյեն Մահչուփյանն Ահմեդ Դավութօղլուի գլխավոր խորհրդական էր նշանակվել 2014թ. հոկտեմբերին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: