101683 դիտում

«Նեոօսմանիզմի գաղափարը պարտադրվեց մեզ», պնդում է նախկին դեսպանը


Ունալ Չեվիկյոզը
Ունալ Չեվիկյոզը

Լուսանկարը` http://www.gwsr.com


Երեւան: Մեդիամաքս: Թուրք պաշտոնաթող դիվանագետ Ունալ Չեվիկյոզը հայտարարել է, որ Արեւմտյան լրատվամիջոցների կողմից Արդարություն եւ զարգացում կուսակցության (AKP) արտաքին քաղաքականության լուսաբանումն է նպաստել Թուրքիայում որոշումներ կայացնողների շրջանակներում նեո-օսմանյան նկրտումների տարածմանը:

Թուրքական Today's Zaman-ի հետ հարցազրույցում, անդրադառնալով այն համատարած համոզմունքին, թե Թուրքիան իր կարողություններից ավելի մեծ նպատակներ է հետապնդում Մերձավոր Արեւելքում, թուրք պաշտոնաթող դիվանագետը պատասխանատվությունը մասամբ բարդել է արեւմտյան մամուլի վրա:  

Ունալ Չեվիկյոզն ասել է, որ նեոօսմանիզմի թեմայով հրապարակումներն ու մեկնաբանություններն արեւմտյան լրատվամիջոցներում հայտնվեցին պաշտոնական Անկարայի կողմից 2002-2009 թթ.-ին որդեգրած տարածաշրջանային քաղաքականությանը զուգընթաց:
  
Պաշտոնաթող դիվանագետի համոզմամբ, արեւմտյան ԶԼՄ-ների նման անդրադարձը թուրքական արտաքին քաղաքականությանը նպաստեց թուրք առաջնորդների շրջանում ինքնավստահության բարձրացմանը:

«Նեոօսմանիզմի գաղափարը պարտադրվեց Թուրքիային»,- նկատել է Ունալ Չեվիկյոզը:

Նրա կարծիքով, իր նկրտումների եւ իրական կարողությունների միջեւ հավասարակշռություն գտնելու համար Թուրքիան պետք է գործի միջազգային հանրության հետ միասին:

2001-2004 թթ.-ին Ունալ Չեվիկյոզը եղել է Թուրքիայի դեսպանն Ադրբեջանում, 2004-2007թթ.-ին՝ Իրաքում, իսկ 2010-2014թթ.-ին ՝ Մեծ Բրիտանիայում: 2007-2010 թթ.-ին նա զբաղեցնում էր Թուրքիայի ԱԳՆ քաղաքական տնօրենի պաշտոնը: Ունալ Չեվիկյոզը թուրքական պատվիրակության ղեկավարն էր 2008թ. հայ-թուրքական հարաբերությունների կարգավորման ուղղությամբ Բեռնում ընթացող բանակցություններում: 2008 թվականի սեպտեմբերին նա Երեւան էր այցելել Թուրքիայի նախագահի հատուկ բանագնացի կարգավիճակում:

2014 թ. նոյեմբերին նա Hurriyet թերթում հրապարակել էր «Թուրք-հայկական հարաբերությունների համար խաղի կանոնները փոխող նոր իրավիճակ է հարկավոր» հոդվածը՝ առաջարկելով բացել Հայաստանի հետ սահմանը:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am