Երեւան: Մեդիամաքս: Այսօր երեւանյան ժամանակով ժամը 18:00-ին Իսրայելի Քնեսսեթում կմեկնարկի Հայոց ցեղասպանության ճանաչման վերաբերյալ քննարկումը:
Այս մասին Մեդիամաքս-ի թղթակցին հաղորդել է Երուսաղեմի Հայ դատի գրասենյակի ղեկավար Ժորժետա Ավագյանը:
Նրա փոխանցմամբ, Իսրայելի կողմից Հայոց ցեղասպանությունը ճանաչելու վերաբերյալ հարցի քննարկման նախաձեռնությունը պատկանում է ընդդիմադիր «Մեերեց» կուսակցությանը:
«Մեզ համար շատ անսպասելի էր, որ քննարկումը որոշվեց անցկացնել այսօր՝ ապրիլի 23-ին, քանի որ Քնեսեթի պատգամավորները միայն երեկ են վերադարձել արձակուրդից»,- ասել է Ժորժետա Ավագյանը:
Երուսաղեմի հայ համայնքը ներկա է գտնվելու Քնեսեթի քննարկմանը:
Հատկանշական է, որ այս օրերին Իսրայելում է գտնվում Ադրբեջանի արտաքին գործերի նախարարը Էլմար Մամեդյարովը: Հայ դատի գրասենյակի ղեկավարը փոխանցել է, որ, ըստ որոշ աբյուրների, ադրբեջանցի նախարարը եւս ներկա է գտնվելու Քնեսեթի լսումներին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: