Երեւան: Մեդիամաքս: Հայաստանի Զինված ուժերի զինծառայողները մասնակցում են Ղրղզստանի մայրաքաղաքի մոտակայքում այսօր մեկնարկած ՀԱՊԿ «Անպարտելի եղբայրություն-2014» զորավարժություններին:
Զորավարժություններին, ընդհանուր առմամբ, մասնակցում է շուրջ 700 զինծառայող ՀԱՊԿ անդամ բոլոր երկրներից՝ Հայաստանից, Բելառուսից, Ղազախստանից, Ղրղզստանից, Ռուսաստանից եւ Տաջիկստանից:
«Մեր զորախումբը զորավարժություններին մասնակցում է դասակի կազմով: Զորավարժությունների ընթացքում մարտավարական տարբեր իրավիճակներ են փորձարկվելու»,- Մեդիամաքս-ի թղթակցին հայտնել է ՀՀ Պաշտպանության նախարարության մամուլի խոսնակ Արծրուն Հովհաննիսյանը:
Զորավարժությունների անցկացման գլխավոր նպատակը Կենտրոնական Ասիայի տարածաշրջանում ՀԱՊԿ խաղաղապահ հավաքական ուժերի կողմից խաղաղության աջակցման գործողությունների համատեղ նախապատրաստումն ու անցկացումն է:
Զորավարժությունների փակումը կկայանա օգոստոսի 1-ին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: