Երեւան: Մեդիամաքս: Հայաստանում տեղակայված Հարավային ռազմական օկրուգի Ռուսական ռազմաբազայի ռադիոէլեկտրոնային պայքարի (ՌԷՊ) ստորաբաժանման սպառազինությունը համալրվել է ԲՏՌ-80 զրահափոխադրիչի հիման վրա ստեղծված «Ինֆաունա» նոր ժամանակակից համալիրների առաջին խմբաքանակով:
Հունիսին «Կահմուդ» բարձրադիր ուսումնավարժական համալիրում մասնագիտական միավորումները զինծառայողներին կծանոթացնեն ռադիոհետախուզության ոլորտում նոր տեխնոլոգիական լուծումների կիրառմանը:
Բացի այդ, զինվորները կսովորեն տարատեսակ միջոցներ կիրառել ռադիոկառավարվող ականներից ու պայթուցիկ սարքերից եւ օպտիկական ու ռադիո կամ օպտիկական կապի միջոցներից պաշտպանվող օբյեկտների տարածքների ընդլայնման համար:
Ինչպես հայտնում է ռազմաբազայի մամուլի ծառայությունը, ռադիոհետախուզության ու ռադիոէլեկտրոնային ճնշման նոր բազմաֆունկցիոնալ «Ինֆաունա» համալիրը միավորման մեջ առաջին անգամ կօգտագործվի գումարտակային ու բազային մարտական զորավարժությունների ընթացքում, որոնք տեղի են ունենալու ուսուցման ամառային շրջանում:
Նախատեսվում է, որ ՌԷՊ համալիրների հերթական խմբաքանակը Անդրկովկասում ռուսաստանյան միավորումները կստանան մինչեւ ընթացիկ տարվա ավարտը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: