Երեւան: Մեդիամաքս: Ապրիլի 19-ին՝ ժամը 11:00-ի դրությամբ, ոստիկանության տարբեր ստորաբաժանումներ բերման է ենթարկվել 30 քաղաքացի, Մեդիամաքսին տեղեկացրել է Ոստիկանության հասարակայնության հետ կապի եւ լրատվության վարչությունը:
Ազգային ժողովի պատգամավոր Նիկոլ Փաշինյանն իր կողմնակիցների հետ շարունակում է բողոքի երթը Երեւանի փողոցներով: Ոստիկանությունը միջոցներ է ձեռնարկում հասարակական կարգի պահպանման համար:
Ոստիկանության հասարակայնության հետ կապի եւ լրատվության վարչության պետ Աշոտ Ահարոնյանը Ֆեյսբուքի իր էջում գրել է.
«Ոստիկանությունը շարունակելու է օրենքով սահմանված կարգով բերման ենթարկել բոլոր այն անձանց, ովքեր թույլ են տալիս հասարակական կարգի դեմ ուղղված իրավախախտումներ: Եթե վարչական ձերբակալման օրենքով սահմանված ժամկետում բերված անձինք ազատ չեն արձակվում, ապա ընդունել ի գիտություն, որ նախաքննության մարմնի միջոցով ստուգվում է նրանց մասնակցությունը կատարված հանցագործություններին»:
Ապրիլի 18-ին՝ ժամը 17:30-ի դրությամբ, բողոքի ակցիաների ընթացքում բերման ենթարկված քաղաքացիների թիվը հասել էր 84-ի:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: