Երեւան: Մեդիամաքս: Մեկնարկել է ՀՀ պետական կառավարման համակարգի, տարածքային կառավարման եւ այլ պետական մարմինների, կազմակերպությունների եւ Երեւանի քաղաքապետարանի պաշտոնատար անձանց 5-օրյա հավաք-պարապմունքը:
ՊՆ-ում նշել են, որ հավաք-պարապմունքի նպատակն է վերոնշյալ կառույցների նախապատրաստումը սեպտեմբերի 11-13-ն անցկացվելիք եռաստիճան «Շանթ-2018» ռազմավարական հրամանատարաշտաբային զորավարժությանը։
ՀՀ պաշտպանության նախարար Դավիթ Տոնոյանը ներկայացրել է զորավարժության գերակա նպատակը, այն է՝ խաղաղ դրությունից պատերազմականի անցնելու պայմաններում պետության միասնական կառավարման համակարգի ներդաշնակ աշխատանքի ապահովումը։
Նախարարը կարեւորել է հավաք-պարապմունքի անցկացումը պետության խորհրդարանական կառավարման պայմաններում, երբ անհրաժեշտություն է առաջացել փորձարկելու իշխանության բոլոր թեւերի ներդաշնակ եւ օպերատիվ աշխատանքը:
Դասախոսություններով հանդես են եկել ՀՀ անվտանգության խորհրդի քարտուղար Արմեն Գրիգորյանը, ՀՀ արտաքին գործերի նախարարի տեղակալ Շավարշ Քոչարյանը եւ ՀՀ ֆինանսների նախարար Ատոմ Ջանջուղազյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: