Երեւան: Մեդիամաքս: Հայաստանում ՌԴ սահմանապահ վարչության ղեկավար, գեներալ-լեյտենանտ Վիկտոր Վլասովն ասել է, որ այս տարի ՀՀ պետական սահմանը խախտելու համար ռուս սահմանապահների կողմից ձերբակալվել է ավելի քան 190 հոգի:
Ինչպես հաղորդում է Մեդիամաքս-ը, այսօր լրագրողների հետ հանդիպման ժամանակ Վիկտոր Վլասովն ասել է, որ ամենամեծ թվով սահմանախախտները բերման են ենթարկվել «Զվարթնոց» օդանավակայանից:
Նրա խոսքերով, Հայաստանի պետական սահմանն հատելիս շուրջ 2 հազար անձանց փաստաթղթերում հայտնաբերվել են անճշտություններ, նրանցից 550-ին չի թույլատրվել հատել ՀՀ սահմանը:
«Մեր հիմնական առաքելությունը ՀՀ պետական սահմանի պահպանությունն է, որը սահմանապահներն իրականացրել են բարձր մակարդակով: Մենք կանխել ենք պետական սահմանի ապօրինի հատման, մաքսանենգության փորձերը»,- ասել է Վիկտոր Վլասովը:
Հայաստանում ՌԴ սահմանապահ վարչության ղեկավարն ընդգծել է, որ ընթացիկ տարում մեծ աշխատանք է իրականացվել սահմանային անցակետերի արդիականացման ուղղությամբ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: