Երեւան: Մեդիամաքս: Ղազախստանի նախագահ Նուրսուլթան Նազարբաեւը հերթական անգամ հայտարարել է, որ Թուրքիան կարող է դառնալ Եվրասիական տնտեսական միության ասոցացված անդամ:
Ինչպես հաղորդում է Կենտրոնական Ասիայի լրատվական ծառայությունը, Նազարբաեւն այդ մասին ասել է Թուրքիայում` Թուրքալեզու պետությունների համագործակցության խորհրդի գագաթնաժողովի ավարտին:
«Եվրասիական միությունը բաց է այլ պետությունների անդամակցության համար: Օրինակ, Թուրքիան եւ այլ երկրներ կարող են հետագայում դառնալ այդ միավորման ասոցացված անդամ»,- ասել է Նազարբաեւը:
«Միաժամանակ, այդ հարցը գտնվում է Եվրասիական տնտեսական միության բոլոր անդամ-երկրների լիազորությունների շրջանակներում»,- նշել է Ղազախստանի նախագահը:
Նա ասել է նաեւ, որ Միությանը նախատեսում են անդամակցել Հայաստանն ու Ղրղզստանը, իսկ մի շարք այլ երկրներ հետաքրքրություն են ցուցաբերում միավորման հետ առեւտրի զարգացման առումով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: