Երեւան: Մեդիամաքս: ՀՀ նախագահ Սերժ Սարգսյանը մայիսի 21-ին աշխատանքային այցով կմեկնի Լատվիա՝ Եվրոպական ժողովրդական կուսակցության եւ ԵՄ «Արեւելյան գործընկերության» գագաթաժողովներին մասնակցելու նպատակով:
Այցի շրջանակում նախատեսվում են նաեւ ՀՀ նախագահի երկկողմ ձեւաչափով հանդիպումներ:
Ռիգայի գագաթաժողովի շրջանակում ակնկալվում է Հայաստան-ԵՄ հարաբերությունները կարգավորող նոր իրավական շրջանակի ձեւավորման շուրջ բանակցությունների մեկնարկը:
ՀՀ-ԵՄ համագործակցության նոր ձեւաչափը քննարկվում է 2014թ. վերջից:
Նշենք, որ Ադրբեջանի նախագահ Իլհամ Ալիևը հրաժարվել է Ռիգայի գագաթաժողովին մասնակցությունից: Ինչպես հաղորդում է Trend-ը, համապատասխան հայտարարությամբ հանդես է եկել նրա օգնական Ալի Հասանովը:
Մասնակցությունից հրաժարումը, Ալի Հասանովի խոսքով, «պայմանավորված է նրանով, որ մինչեւ առաջին Եվրոպական խաղերի մեկնարկը շատ քիչ ժամանակ է մնացել, այդ կարեւոր միջոցառման նախապատրաստական աշխատանքներն ավարտական փուլում են, եւ Ադրբեջանի նախագահի գրաֆիկը խիստ հագեցած է, այդ պատճառով նա չի կարող մասնակցել գագաթաժողովին»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: