Երեւան: Մեդիամաքս: ԵԱՀԿ-ում Հայաստանի մշտական ներկայացուցիչ, դեսպան Արման Կիրակոսյանը ԵԱՀԿ Մշտական խորհրդի նիստում ասել է, որ Լեռնային Ղարաբաղի հակամարտության կարգավորման հիմնական խոչընդոտն Ադրբեջանի վարած քաղաքականությունն է:
Դեսպանը հայտարարել է, որ վերջին 25 տարում Ադրբեջանի հակահայկական քաղաքականությունը փոփոխություններ չի կրել:
Հայաստանի առաքելության ղեկավարը վերահաստատել է հայկական կողմի աջակցությունը ԵԱՀԿ Մինսկի խմբի համանախագահության համաձայնեցված ձեւաչափին:
Նա մտահոգիչ է համարել Ադրբեջանի նախագահի վերջին հայտարարության մեջ կրոնական գործոնի շահարկումը՝ ընդգծելով, որ Ադրբեջանի՝ ինքնությամբ ու կրոնական պատկանելությամբ պայմանավորված կողմնակալ մոտեցումների վերաբերյալ մեղադրանքները վտանգում են հակամարտող կողմերի հասարակություններին խաղաղության նախապատրաստումը:
Արման Կիրակոսյանն ընդգծել է, որ Մինսկի խմբի ձեւաչափի ընդլայնման վերաբերյալ Ադրբեջանի պահանջներն ապակառուցողական են եւ բացասաբար են ազդում խաղաղ կարգավորման գործընթացի վրա:
Հայկական կողմը նաեւ ապակառուցողական է որակել Ադրբեջանի ջանքերը՝ ԼՂ հիմնահարցի կարգավորումը դրանով չզբաղվող միջազգային այլ հարթակներ տեղափոխելու ուղղությամբ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: