Երեւան: Մեդիամաքս: ԵԽԽՎ պատվիրակության երեք անդամ՝ Լիլիանա Մարի-Պասկվեի գլխավորությամբ, փետրվարի 22-23-ը նախընտրական այցով Հայաստանում է։
Պատվիրակությունը կգնահատի ապրիլի 2-ին կայանալիք խորհրդարանական ընտրությունների քարոզարշավը եւ ձեւավորված քաղաքական մթնոլորտը։
ԵԽԽՎ ներկայացուցիչները հանդիպումներ կունենան ՀՀ Ազգային ժողովի նախագահի, ԱԺ-ում ներկայացված քաղաքական խմբակցությունների եւ ներկայացուցիչների, ընտրություններին մասնակցող ոչ խորհրդարանական կուսակցությունների եւ դաշինքների ներկայացուցիչների հետ։
Հանդիպումներ են նախատեսված նաեւ Կենտրոնական ընտրական հանձնաժողովի եւ միջազգային կազմակերպությունների ներկայացուցիչների, դիվանագիտական կորպուսի, ՀԿ-ների եւ մամուլի ներկայացողների հետ։
Այցի ավարտին պատվիրակությունը հանդես կգա հայտարարությամբ:
Պատվիրակության ամբողջական կազմը՝ բաղկացած ԵԽԽՎ 32 անդամներից, կայցելի Հայաստան՝ դիտարկելու ապրիլի 2-ի ընտրությունները։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: