Երեւան: Մեդիամաքս: Մամուլի ազատության հարցերով ԵԱՀԿ ներկայացուցիչ Հարլեմ Դեսիրը Ինտերպոլի գլխավոր քարտուղար Յուրգեն Սթոկին կոչ է արել ուշադիր ուսումնասիրել Թուրքիայի՝ միջազգային հետախուզման վերջին շրջանի դիմումները։
ԵԱՀԿ ներկայացուցիչը ողջունել է Ինտերպոլի որոշումը՝ կասեցնել ծագումով թուրք գերմանացի գրող Դոհան Աքանլիի գործը։
«Ինտերպոլը, նախքան որեւէ որոշում կայացնելը, պետք է ուշադիր քննի յուրաքանչյուր դեպք՝ ներառյալ անհատների եւ, մասնավորապես, այն լրագրողների վերաբերյալ, որոնք ակտիվորեն ներգրավված են Թուրքիայի հանրային քննարկումներում։ Ինտերպոլը չպետք է չարաշահվի որեւէ պետության կողմից՝ սահմանափակելով ազատ արտահայտվելու իրավունքը»,- ասել է Հարլեմ Դեսիրը։
ԵԱՀԿ ներկայացուցիչը նաեւ անդրադարձել է ծագումով թուրք շվեդ Համզա Յալչընին, որը ձերբակալվել էր Իսպանիայի իշխանությունների կողմից օգոստոսի 3-ին՝ Թուրքիայի կողմից միջազգային հետախուզում հայտարարելու արդյունքում։
Հարլեմ Դեսիրը հույս է հայտնել, որ Համզա Յալչընի ձերբակալության գործը եւս կկասեցվի։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: