Երեւան: Մեդիամաքս: Իսրայելում ողջունել են Հայաստանի կառավարության որոշումը Թել Ավիվում դեսպանություն բացելու մասին:
Իսրայելի արտաքին գործերի նախարար Իսրայել Կացն ասել է, որ Հայաստանի որոշումը «էական քայլ կհանդիսանա երկկողմ հարաբերությունների զարգացման համար»:
Նա նկատել է, որ Հայաստանը կդառնա Իսրայելում դեսպանություն ունեցող 90-րդ պետությունը, ինչը վկայում է աշխարհում Իսրայելի դիրքերի ամրապնդման մասին:
Իսրայելի արտաքին գործերի նախարարության խոսնակ Նիզար Ամերն էլ ասել է, որ Հայաստանի կառավարության որոշումը արտացոլում է այն էական բարելավումը, որը գրանցվել է երկու երկրների հարաբերություններում վերջին տարվա ընթացքում:
«Դեսպանության բացումը նոր եւ կարեւոր էջ կբացի մեր հարաբերություններում: Մենք վստահ ենք, որ դա նպաստելու է երկու ժողովուրդների բարեկամության ամրապնդմանը եւ համագործակցության ընդլայնմանը բոլոր ոլորտներում», - ասել է Իսրայելի ԱԳՆ խոսնակը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: