Երեւան: Մեդիամաքս: Լեռնային Ղարաբաղի Հանրապետության Ազգային ժողովի նախագահ Աշոտ Ղուլյանն ասել է, որ Արցախում վերաբնակեցման գործընթացը շարունակվում է, եւ ամեն տարի մի քանի տասնյակ մարդիկ հաստատվում են Արցախում:
Ինչպես հաղորդում է Մեդիամաքս-ը, այս մասին Աշոտ Ղուլյանն ասել է լրագրողների հետ հանդիպման ժամանակ:
«Աչքի առաջ ունենալով Արցախի ժողովրդագրական զարգացման ծրագիրը՝ մենք հետեւողականորեն պետք է աշխատենք Արցախի շրջաններում վերաբնակեցում իրականացնելու ուղղությամբ: Մեր ցանկությունն է միանգամից մի քանի հազար մարդկանց վերաբնակեցում կազմակերպել Արցախում, բայց մեր տնտեսական, ֆինանսական հնարավորությունները մեծ չեն, եւ նման ծավալի աշխատանքի հնարավորություն մենք դեռ չունենք»,- ասել է նա: Աժ խոսնակը նշել է, որ իրականացվել է նաեւ Արցախում սիրիահայերի վերաբնակեցման ծրագրիր:
Աշոտ Ղուլյանի փոխանցմամբ, զուգահեռաբար քայլեր են ձեռնարկվում հեռավոր համայնքների խնդիրների լուծման ուղղությամբ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: