Երեւան: Մեդիամաքս: Եվրամիությունը 10 մլն եվրո արժողությամբ 15 նոր ծրագիր կիրականացնի Հայաստանում:
Այսօր Երեւանում տեղի է ունեցել 15 նոր պայմանագրերի ստորագրման արարողությունը: Իրականացվելիք ծրագրերն ողղված կլինեն քաղաքացիական հասարակության կազմակերպությունների եւ տեղական մարմինների, ինչպես նաեւ Հայաստանի կառավարման բարեփոխումների աջակցությանը:
Ըստ նոր պայմանագրերի, աշխատանքներ կիրականացվեն երկկողմ ու տարածաշրջանային համագործակցության տարբեր ուղղություններով` ներառյալ գյուղատնտեսությունն ու գյուղական համայնքների կառավարումը, մարդու իրավունքներն ու ժողովրդավարությունը, աղքատության կրճատումն ու կայուն զարգացումը:
Հայաստանում Եվրամիության պատվիրակության ղեկավար, դեսպան Տրայան Հրիստեան իր խոսքում ասել է, որ ԵՄ-ն հանձնառու է խորացնել իր հարաբերությունները Հայաստանի հետ:
«Հայաստանն առանցքային գործընկեր է մեզ համար, եւ մենք ուրախ ենք, որ մեր գնահատականները համահունչ են հայաստանցի մեր գործընկերների հայտարարություններին առ այն, որ Եվրամիությունը հանդիսանում է առանցքային գործընկեր Երեւանի համար», - ասել է նա:
Տրայան Հրիստեան նաեւ շեշտել է, որ արտահանման եւ ներմուծման ծավալներով ԵՄ-ն շարունակում է մնալ Հայաստանի թիվ մեկ առեւտրային գործընկերը, ինչպես նաեւ խոշորագույն ներդրողը եւ դոնորը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: