Երեւան: Մեդիամաքս: Կենտրոնական ընտրական հանձնաժողովը հրապարակել է Ազգային Ժողովի ընտրությունների նախնական արդյունքները ժամը 06:00 դրությամբ:

1301 տեղամասերի արդյունքները վկայում են, որ Հայաստանի Հանրապետական կուսակցությունը ստացել է ընտրողների ձայների 49.70 %-ը:

Երկրորդ տեղում է «Ծառուկյան դաշինքը»՝ 27.84 %:

«ԵԼՔ» դաշինքը ստացել է ընտրողների ձայների 7.02 %, ՀՅԴ-ն՝ 6.68 %:

«Հայկական վերածնունդ» կուսակցությունը ստացել է՝ 3.53 %, «OՐO» դաշինքը՝ 2.18 %, «Կոնգրես-ՀԺԿ» դաշինքը՝ 1.54 %, «Ազատ դեմոկրատները»` 0.82 %, Հայաստանի կոմունիստական կուսակցությունը՝ 0.69 %: