Երեւան: Մեդիամաքս: ՀՀ ԱԳ նախարարի պաշտոնակատար Զոհրաբ Մնացականյանն այսօր ասել է, որ Հայաստանի կառավարությունը մեծապես կարեւորում է համագործակցությունը ՄԱԿ մարդու իրավունքների հարցերով զբաղվող կառույցների հետ:
ԱԳՆ-ում նշել են, որ Զոհրաբ Մնացականյանն այս մասին ասել է ՄԱԿ-ի Խաղաղ հավաքների եւ միություններ կազմելու իրավունքի հարցերով հատուկ զեկուցող Կլեման Նյալեցոսի Վուլեի հետ հանդիպմանը:
Երկուստեք կարեւորվել է ՄԱԿ հատուկ զեկուցողի այցը Հայաստան, ինչը լավ առիթ է Հայաստանում տեղի ունեցած վերջին զարգացումներին տեղում ծանոթանալու եւ հետագա փոխգործակցության շրջանակն ուղենշելու համար:
ԱԳՆ ղեկավարը ներկայացրել է բարեփոխումների համապարփակ օրակարգը: Այս գործընթացում զրուցակիցներն ընդգծել են կանանց ու երիտասարդության ներգրավվածության եւ քաղաքացիական հասարակության հետ երկխոսության կարեւորությունը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: