Երեւան: Մեդիամաքս: ՀՀ Ազգային ժողովի նախագահ Արարատ Միրզոյանն այսօր ասել է, որ «անցումային արդարադատությունը պետք է զտի դատական համակարգը, որն ունի լրջագույն խնդիրներ»։
«Անցումային արդարադատության նպատակն անկախ դատարանների ձեւավորումն է, այն նաեւ նպատակ ունի ոչ թե ավելի սրել եղած խնդիրները, այլ տալ լուծում, հանգեցնել հանրային համերաշխության»,- ասել է Արարատ Միրզոյանն ԱԺ-ում անցումային արդարադատության թեմայով լսումների ընթացքում։
Նրա խոսքով՝ պետք է հասկանալ, թե արդյոք ներկայում գործող դատական համակարգն իրականացնում է քաղաքացիների կողմից պատվիրակված լիազորությունները։
«Անցումային արդարադատությունը եռյակ, արտակարգ դատարանների ձեւավորումը չէ, երբ զանազան մարդիկ կարող են հավաքվել եւ վճիռներ կայացնել։ Այն պետք է օրինական ճանապարհով աջակցի, մաքրի եւ կայացնի գործող դատական համակարգը»,- հայտարարել է ԱԺ նախագահը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: