Երեւան: Մեդիամաքս: Բարձրագույն դատական խորհրդի նախագահ Գագիկ Հարությունյանը հրաժարականի դիմում է ներկայացրել:
Այս մասին իր ֆեյսբուքյան էջում հայտնել է ԲԴԽ տեղեկատվության եւ հասարակայնության հետ կապերի բաժնի պետ Արման Խաչատրյանը:
«Նկատի ունենալով դատական իշխանության եւ դատավորների առնչությամբ ընթացող զարգացումները եւ այդ առիթով մայիսի 20-ին մամուլով իմ կողմից արտահայտած մտահոգությունները՝ այլեւս նպատակահարմար չեմ համարում իմ հետագա աշխատանքը Բարձրագույն դատական խորհրդի նախագահի եւ Խորհրդի անդամի կարգավիճակներում»,- իր դիմումում նշել է Գագիկ Հարությունյանը:
Նա վստահություն է հայտնել, որ այսուհետ բավարար ժամանակ կունենա՝ հատկապես միջազգային մասնագիտական գործակցության շրջանակում առավել ակտիվ գործունեություն ծավալելու համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: