Երեւան: Մեդիամաքս: ՄԱԿ-ի գլխավոր քարտուղար Բան Կի Մունը խորը մտահոգություն է հայտնել հայ-ադրբեջանական շփման գծում լարվածության մեծացման կապակցությամբ:
ՄԱԿ-ի գլխավոր քարտուղարն իր հայտարարության մեջ, մասնավորապես, կոչ է արել հակամարտության բոլոր կողմերին հարգել հրադադարի համաձայնագիրը, ձեռնպահ մնալ հետագա բռնություններից եւ անհապաղ քայլեր ձեռնարկել լարվածությունը թուլացնելու համար:
Բան Կի Մունը նաեւ կոչ է արել կողմերին շարունակել երկխոսությունը հակամարտության արագ եւ խաղաղ կարգավորման համար:
«Գլխավոր քարտուղարն իր աջակցությունն է հայտնում ԵԱՀԿ Մինսկի խմբի համանախագահների եւ այլոց ջանքերին, որոնք քայլեր են ձեռնարկում այս վտանգավոր իրավիճակի լուծման եւ ղարաբաղյան հակամարտության խաղաղ կարգավորման համար»,- ասված է հայտարարության մեջ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: