Երեւան: Մեդիամաքս: Թուրքագետ Ռուբեն Մելքոնյանն այսօր ասել է, որ Թուրքիայում սկիզբ առած շարժումը, ծավալվելու դեպքում, կարող է վերածվել նոր` աշխարհիկ այլընտրանքային ուժի:
«Թուրք հասարակության այն հատվածը, որը դեմ է ներկայիս իշխանության կրոնամետ գաղափարախոսությանը, փորձում է իր համար գտնել նոր` այլընտրանքային ուժ»,-ասել է Ռուբեն Մելքոնյանը:
Թուրքագետի փոխանցմամբ, «երիտասարդ բնապահպանների սկսած գործողությունները իշխանությունների ուժի ոչ համարժեք կիրառման եւ սխալ քաղաքական հաշվարկի արդյունքում վերածվել են բավական լուրջ ներքաղաքական երեւույթի, որը կարող է իր արտացոլումը գտնել ներթուրքական զարգացումների, ինչպես նաեւ որոշակիորեն ազդել Թուրքիայի տարածաշրջանային դերակատարության վրա»:
Ռուբեն Մելքոնյանը նկատել է, որ բնապահպանական կոչերին հետեւել են քաղաքական կոչեր` կրոնամետ քաղաքականության քննադատությամբ, ինչը ներքին աջակցություն է ստացել Թուրքիայի զինվորականության կողմից:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: