ՀՀ վարչապետ Հովիկ Աբրահամյանն այսօր երեկոյան հանդիպել է ՀՀ նախագահի նստավայրի դիմաց բողոքի ակցիա անցկացնող «Դեմ եմ» նախաձեռնության ակտիվիստներին՝ առաջարկելով կառավարությունում քննարկել նրանց մտահոգությունները:
«Մենք ուզում ենք կառուցողական քայլեր անել: Պատրաստ ենք Ձեզ հետ նոր նախագիծը քննարկել մինչեւ ապրիլի 28-ը»,- ասել է նա:
Ի պատասխան վարչապետի հրավերի, ակցիայի մասնակիցներն ասել են, որ ՍԴ որոշումը քննարկման ենթակա չէ եւ եթե ՊԵԿ-ը հարկային հաշվետվությունների համակարգում փոփոխություն կատարի, պատրաստ են քննարկել նոր մշակվող օրենքի կետերը: «Երբ հանրությունը տեսնի, որ կառավարությունն իրական քայլ է անում, կգա քննարկման», - ասել են նրանք:
«Ես իմ առաջին քայլն արդեն արել եմ: Փաստ է, որ գնալու ենք զիջումների եւ փոփոխությունների»,- ասել է վարչապետը:
Նախաձեռնության անդամերը նշել են, որ վաղը կառավարությունից ակնկալում են նոր դիրքորոշում կամ իրավական ակտ, որը կտրուկ կտարբերվի նախորդ կառավարության դիրքորոշումից, ինչպես նաեւ արձագանք ՍԴ որոշումից բխող այլ կետերի վերաբերյալ:
«Հավատացեք, վստահեք եւ ժամանակ տվեք, որ փոփոխություններ անենք: Հնարավոր է վաղը որոշ հարցերի պատասխանենք»,- ասել է Հովիկ Աբրահամյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: