Երեւան: Մեդիամաքս: Հայաստանցիների ճնշող մեծամասնությունը դրական է գնահատում Ղրիմի միացումը Ռուսաստանի Դաշնությանը:
Ինչպես հաղորդում է Մեդիամաքս-ը, այս մասին են վկայում Gallup International Association ընկերության կողմից իրականացված` «Ուկրաինա` իրադարձությունների արձագանքը Հայաստանում» հետազոտության արդյունքները:
«Ինչպե ՞ս եք վերաբերում այն հանգամանքին, որ հանրաքվեի արդյունքում Ղրիմն անկախացավ Ուկրաինայից» հարցին` հարցվածների 26 %-ը պատասխանել է «լիովին դրական» , 44%-ը` «ավելի շուտ դրական», 10%-ը` «ավելի շուտ բացասական», 8%-ը` «ընդհանրապես բացասական» եւ 12%-ը դժվարացել է պատասխանել:
Հարցվածների 77%-ը դրական է գնահատել Ղրիմի վերադարձը ՌԴ կազմ, մինչդեռ սրան բացասական են արձագանքել 12 %-ը:
Հարցմանը մասնակցածների 73%-ի կարծիքով, Հայաստանը պետք է ճանաչի Ղրիմը որպես ՌԴ տարածք:
Ղրիմը ՌԴ կազմ վերադարձնելու հետ կապված Մոսկվայի գործողություններին հավանություն է տվել հարցվածների 76 %-ը:
Հարցման մասնակիցների 65%-ի կարծիքով, Հայաստանում առկա չեն ուկրաինական հեղափոխության նախադրյալներ:
Հետազոտությունն իրականացվել է Gallup International Association ընկերության նախաձեռնությամբ` դեմ առ դեմ հարցումների սկզբունքով: Հարցումներն անց են կացվել է ապրիլի 8-18-ը` ՀՀ ամբողջ տարածքում: Դրանց մասնակցել է 1067 մարդ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: