Երեւան: Մեդիամաքս: Այսօր Երեւանում մեկնարկել է թմրամիջոցների ապօրինի շրջանառության դեմ պայքարի տարածաշրջանային կոնֆերանսը:
Կոնֆերանսի բացմանը Հայաստանում ԱՄՆ դեսպան Ջոն Հեֆերնը նշել է, որ թմրամիջոցների ապօրինի շրջանառությունը միջազգային խնդիր է եւ միջազգային լուծում է պահանջում, ինչի համար կարեւոր է համագործակցությունը տարբեր երկրների հետ:
ՀՀ նախագահի աշխատակազմի ղեկավար Վիգեն Սարգսյանը նկատել է, որ երկրում շարունակական աշխատանքներ են տարվում թմրամիջոցների ապօրինի շրջանառությունը հայտնաբերելու եւ կանխարգելելու ուղղությամբ:
«Հայաստանը հաջողությամբ համագործակցում է միջազգային կառույցների, մասնավորապես` ՄԱԿ-ի Թմրամոլության եւ հանցավորության հետ պայքարի վարչության հետ: Մենք կարեւորում ենք փորձ փոխանակումը, միջազգային կառույցների հետ համագործակցությունն ու պետական կառույցների գործունեության գիտական ու մեթոդաբանական ապահովումը, կադրերի վերապատրաստումը»,-ասել է Վիգեն Սարգսյանը:
ՀՀ Քննչական կոմիտեի նախագահ Աղվան Հովսեփյանը նկատել է, որ թմրամիջոցների դեմ պայքարում մեծ նշանակություն կարող է ունենալ իրավապահ մարմիներին տեխնիկական խորհրդատվությունն ու աջակցությունը, ինչպես նաեւ նրանց շարունակական մասնագիտացումը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: