Երեւան: Մեդիամաքս: Հայոց ցեղասպանության 100-րդ տարելիցի միջոցառումների տնօրինությունը հրապարակել է ապրիլի 23-ին Մայր Աթոռ Սուրբ Էջմիածնում Ցեղասպանության նահատակների սրբադասման արարողությանը մասնակցել ցանկացողների համար հատուկ երթուղին:
Ապրիլի 23-ին՝ ժամը 17:00-ից, Երեւանի Բրազիլիայի հրապարակից Էջմիածին կմեկնեն անվճար ավտոբուսներ, որոնք ուղեւորներին կհասցնեն մինչեւ Մայր Աթոռի տարածք, իսկ միջոցառման ավարտին կվերադարձնեն Երեւան:
«Խորհուրդ է տրվում խուսափել սեփական փոխադրամիջոցների օգտագործումից. սեփական ավտոմեքենաներով Էջմիածին մեկնողների տրանսպորտային միջոցները պետք է կայանել Էջմիածնից դեպի Արմավիր տանող ճանապարհահատվածում, որտեղից էլ ցանկացողներին ավտոբուսներով կտեղափոխեն Մայր Աթոռ Սուրբ Էջմիածին:
Անվտանգության նկատառումներից ելնելով` Մայր Աթոռի տարածք մուտք գործող անձանց արգելվում է` կրել կամ ունենալ քիմիական, պայթուցիկ, հրավառ եւ դյուրավառ նյութեր, զենքի ցանկացած տեսակ եւ դրանց փամփուշտներ, մեծածավալ առարկաներ, այդ թվում՝ մեծ պայուսակներ, տոպրակներ, պարկեր, ճամպրուկներ, ուսապարկեր եւ այլն», - ասված է հաղորդագրության մեջ:
Միջոցառման անցկացման ժամանակ Մայր Աթոռի տարածք բերվող անձնական իրերը ենթարկվելու են զննման:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: