Երեւան: Մեդիամաքս: Այսօր՝ ժամը 13:00-ի դրությամբ, ՀՀ գլխավոր դատախազության աշխատանքային խումբն ուսումնասիրել է քվեարկության ընթացքում ընտրական իրավախախտումների վերաբերյալ 729 հրապարակում:

Դատախազությունում նշել են, որ առերեւույթ ընտրական բնույթի հանցագործության հատկանիշներ են պարունակել 75-ը:

Այդ հաղորդումներում նշված հանգամանքները պարզելու նպատակով դրանք ուղարկվել են ՀՀ ոստիկանության եւ քննչական կոմիտեի տարածքային բաժիններ:

Նշված 75 հաղորդումներից 41-ը վերաբերել են այլ անձի փոխարեն կամ կրկին անգամ քվեարկելու դեպքերին, 25-ը քվեարկության գաղտնիության խախտմանը, իսկ 9-ը՝ քաղաքացու ընտրական իրավունքի ազատ իրականացմանը խոչընդոտելուն: