Երեւան: Մեդիամաքս: Այսօր Հայաստանից Սիրիա է առաքվել մարդասիրական օգնության հերթական խմբաքանակը:
Պաշտպանության նախարարությունից հայտնել են, որ մարդասիրական օգնությունը ցուցաբերվում է Հայաստանի նախագահի հանձնարարությամբ եւ ՀՀ եւ ՌԴ պաշտպանության նախարարությունների միջեւ ձեռք բերված պայմանավորվածության համաձայն:
Այսօր ուղարկված խմբաքանակը ներառում է 18 տոննա առաջին անհրաժեշտության պարագաներ՝ հիմնականում սննդամթերք:
Մարդասիրական օգնությունը Սիրիա է ուղարկվել Ռուսաստանի Դաշնության ռազմաօդային ուժերի Իլ-76 ինքնաթիռով:
Մարդասիրական օգնությունն ուղեկցելու եւ տեղում բաշխման գործընթացը կազմակերպելու նպատակով Սիրիա են մեկնել ՀՀ պաշտպանության եւ արտակարգ իրավիճակների նախարարությունների ներկայացուցիչները:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: