Երեւան: Մեդիամաքս: Եվրատեսիլի անցկացման պատասխանատու Սիետսե Բաքերն (Sietse Bakker) այսօր Մեդիամաքս-ի հետ բացառիկ հարցազրույցում ասել է, որ Հայաստանի Հանրային հեռուստաընկերությունն (Հ1) իրենց չի տեղեկացրել Բաքվում կայանալիք Եվրատեսիլ-2012-ից հրաժարվելու մտադրության մասին
Սիետսե Բաքերն այդ մասին ասել է, պատասխանելով այն հարցին, թե արդյո՞ք Հ1-ը պաշտոնական գրությամբ դիմել է Հեռարձակողների եվրոպական միությանը (EBU)` Եվրատեսիլ-2012-ին մասնակցելու իր հայտը ետ կանչելու վերաբերյալ:
«Մենք նման նամակ չեն ստացել եւ Հ1-ը չի տեղեկացրել մեզ մասնակցությունից հրաժարվելու մտադրության մասին», - Մեդիամաքս-ին ասել է Սիետսե Բաքերը:
Հիշեցնենք, որ նախորդ շաբաթ մի խումբ հայ երգիչներ հանդես եկան հայտարարությամբ, որում Հայաստանի Հանրային հեռուստաընկերությանը կոչ արեցին հրաժարվել Ադրբեջան մասնակից ուղարկելուց:
Հայաստանի Հանրային հեռուստաընկերությանը այդ կոչին պաշտոնապես չի արձագանքել:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: