Երեւան: Մեդիամաքս: ԱՄՆ Կանզաս նահանգից ժամանած պատվիրակությունն այսօր մասնակցել է Սպիտակի երկրաշարժի 30-րդ տարելիցին նվիրված միջոցառումներին:
Պատվիրակությունը ղեկավարել են նահանգապետ Ջեֆ Քոլյերը եւ Կանզասի ազգային գվարդիայի հրամանատար, գեներալ-մայոր Լի Թաֆանելին:
Ջեֆ Քոլյերը ՀՀ կառավարությանն է փոխանցել հռչակագրեր, որոնցով դեկտեմբերի 6-ը Կանզաս նահանգում հռչակվում է որպես Հայաստանի եւ Կանզասի միջեւ գործընկերության օր, իսկ դեկտեմբերի 7-ը՝ Սպիտակի երկրաշարժի հիշատակի օր:
Նահանգապետի կապերը Հայաստանի հետ սկիզբ են առել 1988-ից, երբ որպես ԱՄՆ Միջազգային զարգացման գործակալության Օտարերկրյա աղետների օգնության գրասենյակի ներկայացուցիչ գործուղվել է Հայաստան ամերիկյան առաջին խմբերից մեկի կազմում ՝ սնունդ ու առաջին անհրաժեշտության պարագաներ հասցնելու երկրաշարժից փրկվածներին:
Կանզասի ազգային գվարդիան այս տարի տոնում է Հայաստանի հետ գործընկերության 15-ամյա հոբելյանը:
Այս ընթացքում իրականացվել են մի շարք ծրագրեր ու փոխանակումներ զինված ուժերի, արտակարգ իրավիճակների արձագանքման, իրավապահ գործունեության, բիզնեսի, առողջապահության, հանրային առողջապահության, կրթական եւ մարդասիրական հարցերի շուրջ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: