Երեւան: Մեդիամաքս: ՀՀ պաշտպանության նախարար Վիգեն Սարգսյանը ԵՄ պատվիրակության ղեկավար Պյոտր Սվիտալսկու հետ քննարկել է համագործակցության հնարավորությունները ԵՄ համընդհանուր անվտանգության եւ պաշտպանական քաղաքականության շրջանակներում:
Դեկտեմբերի 6-ին կայացած հանդիպմանը Վիգեն Սարգսյանը նշել է, որ ՀՀ պաշտպանության նախարարությունը երկկողմ ձեւաչափով պլանային համագործակցություն է իրականացնում ԵՄ անդամ մի շարք պետությունների հետ եւ կարեւորել է եվրոպական կառույցների հետ շփումների ակտիվացումը Հայաստան-Եվրոպական Միություն ընդհանուր քաղաքականության շրջանակներում:
Վիգեն Սարգսյանն ընդունել է նաեւ Լեհաստանի դեսպան Եժի Մարեկ Նովակովսկուն:
Լուսանկարը` ՀՀ ՊՆ մամուլի ծառայություն
ՀՀ պաշտպանության նախարարը կարեւորել է պաշտպանական բնագավառում երկկողմ համագործակցությունը` հաշվի առնելով Իրաքում կոալիցիոն գործողությունների ընթացքում հայ եւ լեհ զինծառայողների համատեղ փորձը, ինչպես նաեւ ռազմական եւ ռազմատեխիկական համագործակցության բարձր մակարդակը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: