Երեւան: Մեդիամաքս: Հայաստանի «Էրեբունի» օդանավակայանում МиГ-29 չորրորդ սերնդի կործանիչների ռուսաստանցի օդաչուները սկսել են բարդ տարրերի կատարմամբ հատուկ վարժությունների իրականացումը:

Օդաչուները վարժվելու են թռիչքներ կատարել ստրատոսֆերայում՝ 10 հազար մետրից ավելի բարձրության վրա, բարդ եւ խմբային տարրեր իրականացնել ինչպես զույգերով, այնպես էլ մարտական խմբի կազմում:

Բարդ եւ բարձրագույն պիլոտաժի ֆիգուրները մշակվելու են անհատական կարգով եւ զույգերով առավել փոքր եւ առավել մեծ բարձրությունների վրա՝ 250-ից մինչեւ 12 հազ. մետր, եւ 1000 կմ/ժամ արագության վրա: