Երեւան: Մեդիամաքս: Հայաստանում տեղակայված ՌԴ ռազմակայանի հրետանային ստորաբաժանումների զինծառայողները «Ալագյազ» բարձրլեռնային զորավարժարաններում, ձմեռային ուսումնական շրջանի ստուգարքին պատրաստվելիս, անցել են ստուգիչ հրաձգությունների կատարմանը:
Ընդհանուր առմամբ վարժանքներում ներգրավվել է 100 զինծառայող, ինչպես նաեւ ռազմական տեխնիկայի 30 միավոր:
Մարտական հրաձգությունների մեկնարկից առաջ երեք օր հրետանավորները ծովի մակարդակից ավելի քան 2 հազ. մետր բարձրության վրա իրականացրել են զենքերի տեխնիկական սպասարկման միջոցառումները:
Մարտական հրաձգությունների ընթացքում զինծառայողները խոցել են պայմանական հակառակորդի թիրախները ԲՄ-21 «Գրադ» (ՀԿՌՀ) հրթիռային համակարգերից:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: